Juventusi zyrtarisht tërhiqet nga Superliga Evropiane

20:56 | 6 Qershor 2023
Orgesa Haziri

Juventusi ka njoftuar planet për t’u tërhequr nga Superliga evropiane.

Gjigantët e Serie A ishin më parë një nga tre klubet që ngulmonin me shkëputjen e diskutueshme së bashku me Real Madridin dhe Barcelonën .

Por, Bianconerët konfirmuan të martën synimin e tyre për t’u larguar nga koalicioni i formuar fillimisht me ish-presidentin e tyre Andrea Agnelli.

“Juventusi u ka dërguar një komunikim dy klubeve të tjera që nuk e kanë ushtruar tërheqjen e tyre nga projekti i Superligës, në mënyrë që të fillojë një periudhë diskutimi midis tre klubeve në lidhje me daljen e klubit nga projekti i Superligës”, thuhet në deklaratën e klubit.

Një total prej 12 klubesh evropiane u regjistruan fillimisht për Superligën në prill 2021, përpara se të gjitha, përveç Juventusit, Realit dhe Barçës , të tërhiqeshin brenda 48 orëve nga nisja e saj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm